Thursday, September 24, 2020
HomeCihêrengLi Dêrazorê hemleya paqijkirinê didome
CihêrengNûçe

Li Dêrazorê hemleya paqijkirinê didome

Komîteya Xizmetguzariyê ya Meclisa Sivîl a Dêrazorê bi hevkariya şaredariyan hemleya paqijkirina gundên rojhilat û rojava yên rizgarkirî didomîne.

Parêzgeha Dêrazorê ji ber dagirkeriya çeteyên DAIŞ`ê di nava 4 salan de gelek zor û zehmetî dîtin. Aliyê xizmetguzariyê hatibû paşguhkirin û ji ber wê çop û bermahiyên şer, di kolanan de kom bûbûn.

Sala 2017`an şervanên QSD`ê dest bi hemleya Bagera Cizîrê kir. Gundewarên rojhilat û herêmên rojavayê gundewarên Dêrazorê rizgar kirin. Paşê Meclisa Sivîl a Dêrazorê hate avakirin. Meclisa Sivîl a Dêrazorê 1`ê Tîrmeha derbasbûyî dest bi hemleya paqijiyê kir û hemle heta niha bi alîkariya şaredariyan didome.

Li gorî berpirsên Komîteya Xizmetguzariyê heta niha gundewarên rojava, rojhilat û bakurê Dêrazorê hatine paqijkirin. Her wiha destnîşan kirin ku dê dest bi paqijkirina herêmên ku şaredarî û navendên xizmetguzariyê li wan hatine vekirin, bikin. Tê payîn ku dê hemleya wan di dawiya meha Adarê ya 2019`an de were bidawîkirin.

Berpirsan diyar kir ku 45 dibistan ji gundewarên rojava û 65 dibistan ji gundewarên rojhilatê Dêrazorê ji bermahiyên şer û çopê hatine paqijkirin.

Di vê çarçoveyê de gerînendeyê hemleya paqijkirinê Yasir El-Elî diyar kir ku wan piraniya dibistanên gundewarên rojava û rojhilatê Dêrazorê paqij kirine û hemleya wan heta niha didome.

Leave a Reply

Your email address will not be published. Required fields are marked *