Monday, October 26, 2020
HomeDaxuyanîEncamên 24 Saetên Dawî yên “Şerê Tunekirina Terorê”
Daxuyanîmanshet

Encamên 24 Saetên Dawî yên “Şerê Tunekirina Terorê”

 

Şervanên me êrîşek bir ser xalên rêxistina terorîst li bajarokê Hecînê û derûdora wê, di encamê de pevçûnên giran qewimîn û çend terorîstên DAIŞê hatin kuştin û birînkirin û şervanên me qonaxa 1 km bi pêş ve çûn û 15 xalên nû kontrol kirin.

Şervanên me her wisa êrîşeke din bir ser terorîstan li hêleke din a vê bereya şer û di encamê de şerên giran rû da û çend terorîst hatin kuştin û birînkirin û terorîstên mayî revîyan. Li vê hêlê jî, şervanên me qonaxa 1 km bi pêş ve çûn û 27 xalên nû kontrol kirin.

Li bereyeke din, terorîstên DAIŞê êrîşek bir ser xalên hêzên me, şervanên me jî bersiva wan da û di encamê de êrîşên giran qewimîn û çend terorîst hatin kuştin lê hejmara wan bi zelalî nehat piştrastkirin. Şervanên me li vê bereyê jî bi pêş ve çûn û 8 xalên nû kontrol kirin.

Wekî din, pevçûnên giran li hêleke din a vê bereyê rû da. Terorîstên DAIŞê hewl da êrîşekê bibin ser xalên şervanên me lê belê şervanan bersiva wan da û çend terorîstan kuştin û yên mayî berê xwe da revê. Şervanên me li vir jî qonaxa 1 km bi pêş ve çûn û 24 xalên nû kontrol kirin. Balafirên Hevpeymanîya Navneteweyî jî êrîşên esmanî birin ser xal û çeperên rêxistina terorîst.

Di dema paqijkirin û kontrolkirinê de, şervanên me depoyeke çek û cebilxaneyan dît. Tîmên rakirina mayînan ên hêzên me jî devera rizgarkirî ji mayînên DAIŞê paqij kir.

Her wisa pevçûnên  giran li hêleke din a vê bereyê di navbera şervanên me û terorîstên DAIŞê de rû da û di encamê de çend terorîst hatin kuştin ku termên hin kuştîyên wan di destên şervanên me de ne.

Serê sibehê, pevçûnên giran di navbera şervanên me û terorîstên DAIŞê de li alîyekî din ê vê bereyê qewimîn, di encamê de çend terorîstên DAIŞê hatin kuştin. Terorîstan bi çekên sivik û giran û topên hawanê êrîşî xalên şervanên me kir lê rastî bersiveke tund hatin û di encamê de çend terorîst hatin kuştin û şervanên me dest danîn ser tibabek çek û cebilxaneyan.

Pevçûn gihan alîyekî din jî û şervanên me karîbû çend terorîstan bikujin û dest deynin ser term û çekên wan.

Heta deqeya amadekirina vê serencamê, pevçûn her çendekê li hemû alî û bereyên şer diqewimîn.

Her wiha çend şervanên me di encama wan pevçûnan de birîndar bûn û ew rakirin nexweşxaneyan ji boyî bêne dermankirin.

Encamên dawî yên pevçûnan:

– Hejmara terorîstên kuştî: 11 terorîst.

– Zîyanên terorîstan: Rûxandina 13 çeper û xalan, rûxandina 5 depoyên teqemenîyê, birrîna 7 rêyên leşkerî, rûxandina depoyeke erebeyên bombekirî, rûxandina erebeyeke çeka doçkayê.

– Hejmara êrîşên balafirên Hevpeymanîya Navneteweyî: 30 êrîşên esmanî.

 

Navenda Ragihandinê ya Hêzên Sûrîyeya Demokratîk

02.01.2019

Leave a Reply

Your email address will not be published. Required fields are marked *