Dîmenek ji jiyana şervanekî

Şervanê bi navê Ebdullah Sibhî El-Bezax ji zarokên Dêra Zorê ye, ajokarê erebeyekê bû berî ku tev malbata xwe ji zilma DAIŞ’ê birevin û herin Tebqayê.

Du birayên wî tev komeke ciwanên gundê wî li ser destê terora DAIŞ’ê hatin kuştin.

Ebdullah di 10’ê Tebaxa 2016’an de tevlî QSD’ê bû û perwerdeyên leşkerî û siyasî dîtin.

Tevlî şerên gundewarên Reqayê û taxên bajêr bû, di şerên giran ên nav taxan de birîndar bû.

Piştî rizgarkirina Reqqayê Ebdullah vegeriya Tebqayê û perwerdeyên xwe yên siyasî li wir dewam kirin û beşdarî şerê Dêra Zorê bû.

Ebdullah di dawiyê de dibêje ku ew ji bo parastina welatê xwe tevlî QSD’ê bûye û dê vê rêka ku hevalên xwe tê de şehîd bûne dewam bike.

Navenda Ragihandinê ya Hêzên Sûriyaya Demokratîk