Saturday, August 15, 2020
HomeDaxuyanîEncama şerê têkbirina terorê
DaxuyanîmanshetNûçe

Encama şerê têkbirina terorê

Piştî derxistina sivîlan ji bajaroka Baxoz koşeya dawî ya terorê, şerê dawîkirina çeteyan dest pê bû.

Şerê qewimî bi vî rengî bû:

Şervanên me êrşî birin ser nuqteyên çeteyan û tevî ku çeteyan bi hemû çekên giran liber xwe dan lê şervan pêş de çûn 9 nuqte rizgar kirin.

Li baskekî din jî şervanên me pêş de çûn, gelek çete li vir hatin kuştin û şervanan 35 nuqte paqij kirin.

Her wiha balafirên koalisyona navdewletî derbeyên xwe nesekinandin.

Li baskekî din liv û tevgera çeteyan hat ferqkirin, şervanên me yek ser êrîşî wan kirin. Li vê derê 8 çeteyan xwe teqandin û şervanên me 3 erebeyên wan ji dûr ve teqandin her wiha erebeyeke çeteyan a barkirina cebilxaneyê hat hedefgirtin.

Di saetên sibehê de şer û pevçûn bi dijwarî qewimîn, şervanên me li hemer êrîşên dijber ên çeteyan li ber xwe dan û ew têk birin. Li vir 6 çete hatin kuştin û şervan pêş de çûn.

Di saetên êvarê de şervanên me êrîşî deverên çeteyan kirin û pevçûnên giran rû dan, gelek çete hatin kuştin û hêzên me dikaribûn 5 nuqteyan paqij bikin. Hemwextî wê balafirên koalisyonê li çeteyan dan.

Heta amadekirina vê encamê şer bi dijwarî didomiya.

Encama dawî ya pevçûnan:

– Kuştiyên çeteyan: 164, hin cinaze di destên me de ne.

– Wendahiyên terorîstan: 11 riyên leşkerî hatin birîn, 21 deverên leşkerî hatin rûxandin, 13 erebeyên mayînkirî hatin rûxandin, 2 xendeq hatin xirakirin, 10 erebeyên doşka hatin teqandin û 4 deboyên cebilxaneyê hatin teqandin.

– Çekên ketine destên me: 15 Kilaşnkov, 2 Laptop û hin topavêj.

– Derbeyên balafiran: 65.

– Hejmara şehîdên me: 4

– Hejmara birîndarên me: 38

4’ê Sibata 2019

Navenda Ragihandinê ya Hêzên Sûriyaya Demokratîk

Leave a Reply

Your email address will not be published. Required fields are marked *