TEBQA – Komîteya Çandê bi hevkariya Gerînendeya Geşyar û Parastina Şûnwaran bi durişmeya “Paqijiya bajarê me berpirsyariya her kesî ye” pêngaveke paqijkirinê li Tebqa pêk anî.
Pêngava paqijkirinê ji pêşiya baxçeyê Navenda Çandê dest pê kir û hetanî herêma Kornîş a nêzî Gola Bendava Firatê bi dawî bû.
Endamên saziyên Rêveberiya Sivîl a Tebqa, Şaredariya Gel û xelkê bajarê Tebqayê beşdarî xebatên paqijkirinê bûn.
Ji rêveberên Gerînendeya Geşyar û Şûnwaran Ehmed El-Mûsa got: “Ev pêngava duyemîn e ku Komîteya Çandê dide destpêkirin. Cara yekê Keleha Caber hatibû paqijkirin.”
El-Mûsa anî ziman jî ku armanc ew e ku civaka me girîngiya parastina bajarê xwe û xweşikbûna wî têbigihêje, helbet em ê pêngavên bi vî rengî berdewam bikin.”
Navenda Ragihandinê ya Hêzên Sûriya Sûriya Demokratîk