ZÊDETIRÎ 60 TOPÊN DAGIRKERIYA TIRK LI GUNDEWARÊN ROJHILATÊ EYN ÎSAYÊ KETIN

0 494

Dagirkeriya Tirk ji duh sibehê ve topbarana li ser gundên Al-Fatîsa û Al-Sefawiyê yên gundewarên rojhilatê Eyn Îsa û derdora wê dijwartir kir. Ji saet 9 sibehê ve bêtirî 60 topên tankan li gundên navborî û rêya navneteweyî M4 ketin.

Di encama topbarana dagirkeriya Tirk de ziyanên madî gihaştin milk û zeviyên sivîlan û ji ber panîka ku topbaranê çêkiriye xelk neçar man ku kar û barên xwe biterikînin.

Hêjayî gotinê ye ku berî wê bi rojekê jî artêşa dagirker a Tirkiyê bi çekên giran êirşî gundê Zenûba yê rojavayên gundewarên Girê Spî kir. Di encama de toreya ceyranê rastî texrîbatek mezin hat û ceyran ji ser gund û gundên derdor hate birrîn.

Hat zanîn ku di 4’ê Tebaxa îsal de, dagirkeriya Tirk komkujiyek li dijî şêniyên gundê Al-Sefawiyê pêk anî û di encama topbarana malên sivîlan de welatiyên nav li jêr rêzkirî şehîd bûn:

Zeyd Xelef Îsa 54 salî

Ziyad Zêd Îsa 12 salê

Muna Zêd Îsa

Hûda Zêd Îsa

Her wiha di topbaranê de jinek û keça wê ji heman malbatê bi giranî birîndar bûn ku birin nexweşxaneya Reqayê.

Leave A Reply

Your email address will not be published.