Ji Çapemenî û Rayagiştî re!
Êrîşên çeteyên DAIŞê ên 20ê mehê li ser Hesekê dabû destpêkirin û bê encam ma, bi vê ve girêdayî artêşa Tirk a dagirker û çeteyên wê jî li Eyn Îsayê bi hewayî û bejahî êrîş birin li ser hêzên me û warên sivîlan.
– 22ê mehê da artêşa Tirk a dagirker û çeteyên wê gundên Hoşan, Xalidîyê ,Mealik ,Mişêrfa, Cehbel, Hîşê, El Salihîyê, El Qadirîyê, Fatsa û El Erîşa bi dijwarî da ber topan ku di van gundan da şênî bi xwe dijîn. Di encama topbaranê da 3 sivîl jîyana xwe ji dest dan û 11 sivîl birîndar bûn.
– Di 23ê mehê da artêşa Tirk a dagirker û çeteyên wê li Eyn Îsa û derdora wê bi dijwarî topbarankir. Dîsa heman rojê gundên Bîr Îsa, Bêlûnê, Sêgiro û Bîr Nasir bi çekên giran hatin hedefgirtin.
– 23ê mehê da çeteyên artêşa Tirk a dagirker xwestin li bejahîyê êrîş bibin li ser gundê Bîr Îsa lê hêzên me çeteyan ferq kirin. Di navbera hêzên me û çeteyan da şer û pevçûn derketin. Di van pevçûnan da 10 çete hatin kuştin, 2 çete jî birîndar bûn. Herweha 2 seyare û 2 çeperên çeteyan hatin rûxandin.
Encama şer û pevçûnan wiha ye:
10 çete hatin kuştin
2 çete birîndar bûn
2 seyare û 2 çeperên çeteyan hatin rûxandin
3 sivîl jiyana xwe ji dest dan û 11 sivîl jî birîndar bûn
Navenda Ragihandin û Çapemenîya QSDê
25ê Çileya 2022